Kvenskörungur úr Kjósinni

 

   Heilir og sælir Gilsbakkarar góðir!

    Mig langar að minnast á langa langa langömmu ykkar Gilsbakkaranna, sem hét Guðbjörg Pálsdóttir f. 7.febrúar 1799, í Saurbæ, ólst upp í Neðri- Flekkudal. Flutti með móður sinni og stjúpa að  Norðurkoti , var vinnukona  1818 á Vallá í Kjós (þar hafa fleiri góðir í ættinni dvalið).  Síðar var hún vinnukona í Bólstaðarhlíð í Húnavatnssýslu.  Þar kynntist hún Eyfirðingnum Sveini Sveinssyni, er þangað var kominn í prestnám.   Ekkert varð úr prestnáminu , þar sem presturinn dó, og Sveinn framdi skírlífisbrot, með því að eignast dóttur með Guðbjörgu.  Þau fluttu inn í Eyjafjörð og þar settust Sveinn og móðir hans Halldóra að á Hólum, en Guðbjörg gerðist vinnukona að Gilsá.  Þau fóru svo að búa í Hólakoti.  Sveinn bóndi var lágvaxinn og grannholda, en Guðbjörg var mikil vexti og talin hafa karlmannsburði í gildara lagi, verkmikil, fjölhæf og hlífði sér ekki.  Þau eignuðust 7 börn.  Sveinn var lítt til búskapar fallinn og verklítill.  Hann hélt uppteknum hætti við lestur bóka og gætti þá einskis sem fram fór kring um hann. Var á almæli að stundum í sólskini og þerri lægi hann sunnan undir bæjarvegg og læsi, meðan konan og krakkarnir unnu af kappi við heyþurrkinn.  Ekki hafði hann fyrir að binda baggana af Hólakotstúninu, heldur gerði Guðbjörg það og bar þá á bakinu í heytóttina.  Ekki vildi hún heldur láta Svein sinn mæðast í því að rista heytorfið eða fara í dalgöngurnar á haustin, það gerði hún sjálf.  "Æji hann máske blotnaði í fæturnar og yrði kalt", en til þess mátti hún ekki hugsa.  Þegar Sveinn bóndi þurfti að bregða sér vestur yfir Eyjafjarðarána og svo stóð á að hross voru ekki við höndina og áin lítil, lét Guðbjörg ekki muna um að vaða yfir ána með bónda sinn á bakinu.  Þá var hún örugg um að honum yrði ekki kuldinn að tjóni.  Meðan börn þeirra voru ung smalaði Guðbjörg sjálf kvíaánum og var þá venjulega berfætt, einkum er blautt var á jörð.  Kvaðst hún vera vön því frá æskuárum í Kjósinni.  Nágrannakonur Guðbjargar létu stundum í það skína að þær vorkenndu henni fyrir vosbúðina og erfiðið sem hún legði á sig og ekki væri kvenmannsmeðfæri ,heldur væri það bóndans starf.  Þá var hún vön að afsaka Svein og segja: "Hann getur það ekki, ég er miklu færari til þess".  Þegar þau höfðu búið í Hólakoti í 33 ár, var það að ráði að Sveinn færi til Guðbjargar dóttur þeirra á Vatnsenda og þar dó hann 24.mars 1872 , þá 72 ára.  En Guðbjörg fór með dótturson sinn,  í húsmennsku að Hrísum til Maríu dóttur sinnar.  Guðbjörg  dó hjá Önnu dótturdóttur sinni í Árgerði 7.apríl 1898, þá hafði hún lifað 2 mánuði af hundraðasta aldursárinu.  Þetta er skrifað upp úr grein eftir Hólmgeir Þorsteinsson , sem nefnist "Kvenskörungur úr Kjósinni" sem birtist í  "Heima er best" árið 1964.  Ein dóttir Guðbjargar og Sveins hét Lilja og var langamma Jóa okkar á Gilsbakka.

ps. Jæja stelpur eigum við að vaða Skjóldalsána með karlana á bakinu, á næsta ættarmóti , nei annars ,ég vil heldur sitja  sunnan undir vegg og lesa!!!!!!!

                               Bestu kveðjur frá mömmu og tengdamömmu Jó(anna)  ritstjór (anna)

Hraunkotskerlingunni

skilaboð frá gilsbakkaranum sem býr fyrir austan

Hæ allir og takk fyrir síðast Jói segir einhversstaðar að hann hafi ekkert að segja svo hann segi bara eitthvað og ég geri eins.  Ég verð að segja að síðasta mót var alveg frábært kannski af því að við höfðum þetta fína tjald og þetta líka frábæra klósett. Og kannski verður maður líka væmin þegar aldurinn færist yfir  8 árum eldri en þegar við byrjuðum. En þetta er þó byrjunin á því að tjá sig á þessari síðu en ég er ekkert sérlega dugleg við svoleiðis hluti. Hafið það öll sem best

Kveðjur að austan Sigrún

Heilir og sælir Gilsbakkarar!

Gaman að kíkja hér inn og fá fréttir. Við verðum að virkja restina af liðinu að skrifa pistla til að fylgjast með. Og ég tek Jóa ritstjóra á orðinu og fer að safna í bensínsjóð - annars er málið að ég er með jeppann hennar litlu systur - hann fylgir drengjunum hennar - en hún og Jói ritstjóri skruppu til Sviss - og á lyklakippunni hennar er Atlandsolíulykill - er því að hugsa um að fara bara frekar að safna bensíni. Ættingjar hér fyrir sunnan eiga endilega að hafa samband ef þeim vantar bensín, ég skal lána lykilinn, þau koma heim seinnipartinn á miðvikudag

Kveðja

Ása

SMÁ Áminning!

Hæhæ fallega fjölskylda!

 

Bara minna á að það eru aðeins 338 dagar í næsta ættarmót, þannig að það er ekki seinnna vænna að fara að spara fyrir bensíni til að komast á hraunið!

 

Kv, Jói RITSTJÓRI

Halló

Halló

Jói sagði að ég mætti skrifa þanngi ég áhvað bara að gera það

Ég, mamma, pabbi, Kjartan og Lilli fórum í bíó á Sveitabrúðkaup og það var ótrúlega gaman

En þessi mynd er ekki jafn skemmtileg og Sex and the sitty og Mamma mía

En ég hef ekki meira að seigja en Bless Sjáumst

Kveðja Ingibjörg Rún 

Er að prófa.

Góðan dag,þó hann sé ekki góður,því nú er mígandi rigning. en af einkærri heppni fór ég snemma á fætur í morgun,kláraði mín morgunverk,fékk mér kaffi og svo var stokkið til og safnað saman verkfærum og haldið af stað út á Hraungerðisrétt til að endursmíða nokkrar grindur.Við þetta verk störfuðu eftirtaldir Jói Jak Kjartan Jak Ketill H og ég.Við náðum að klára þetta fyrir hádegi þá var að sjálfsögðu farið heim í mjólkurgraut smurt til mömmu svo nú er réttin klár til notkunar              

                                                                                     Kær hveðja  Lilli

Frá Jóa ritstjóra.

Sælt verið fólkið maður verður að reyna að skrifa eitthvað því maður er nú einu sinni ritstjóri. Við ritstjórarnir erum að spá í að fjölga um ein, þannig að það þurfi tvo til að samþykkja eða hafna því sem er skrifað.  Ég er með hugmynd að ritstjóra á að vissu eftir að tala við hann en vona að hann samþykki þetta.  Hann hentar best því hann er nafni okkar og þá verðum við þrír Jói, Jói og Jói. þannig að allt sem við erum ekki sammála um verður samþykkt eða hafnað með tveimur atkvæðum gegn einu.  Jæja hugsið mlið og látið mig vita hvað ykkur finnst. Bless í bili Jói ritstjóri.

Botnakeppnin

Við í skemmtinefndinni viljum þakka góða þátttöku í botnakeppninni. Við vonum að allir botnarnir hafi skilað sér - endilega setjið inn athugasemdir ef einhverjar eru. Svo vil ég benda þeim höfundi sem skrifaði undir dulnefninu "Jóhannes" að senda mér eða ritstjóra þessarar síðu sína botna því að mér er það lífsins ómögulegt að ráða í skrift þessa höfundar.

f.h. skemmtinefndar

Á. J. 

 

Uppí´sveit býr bóndi einn

besta skinn atarna

Alltaf er hann hreinn og beinn

höfðinginn sá arna

 

Bóndinn fæddist "fourty eight"

á frekar slökum fótum

Fráneygður láðið leit

léttur á mannamótum

 

Ólst þar upp með kú og kind

og kannast ögn við hesta

Hleypur einsog hamlaus hind

hamhleypa hin mesta

                            GORMUR

 

Uppí´sveit býr bóndi einn

besta skinn atarna

Ekki þekkir hann neinn

skinnið atarna

 

Ólst þar upp með kú og kind

og kannast ögn við hesta

En það besta

það þótti honum að éta hesta

                                   GIXERIS

 

Uppí´sveit býr bóndi einn

besta skinn atarna

Léttur einsog yngissveinn

öðlingurinn þarna.

 

Bóndinn fæddist "fourty eight"

á frekar slökum fótum

Sveitina sína augum leit

og skaut þar fljótt rótum.

 

Ólst þar upp með kú og kind

og kannast ögn við hesta

Sækir vatn í ferska lind

rólegur yfir fjölda gesta.

                  LITLA GEIT

 

Uppí´sveit býr bóndi einn

besta skinn atarna

Áður fyrr á fætur seinn

ei var það til skaða

 

Bóndinn fæddist "fourty eight"

á frekar slökum fótum

Fjörðinn fagra augum leit

á bakkanum skaut rótum.

 

Ólst þar upp með kú og kind

og kannast ögn við hesta

En það væri engin synd

ef ætti hann þá flesta

                  STRÚNA

 

Uppí´sveit býr bóndi einn

besta skinn atarna

Kallinn er hreinn og beinn

slappar af á milli tarna

 

Bóndinn fæddist "fourty eight"

á frekar slökum fótum

Drekkur bjór og borðar "after eight"

Ekki á leið á bætur

 

Ólst þar upp með kú og kind

og kannast ögn við hesta

verst þegar hann leysir vind

en án annara bresta

                      HANDSOME

 

Uppí´sveit býr bóndi einn

besta skinn atarna

Sinnir sínum, ekki seinn

snöggur þeim til varna

 

Bóndinn fæddist "fourty eight"

á frekar slökum fótum

Skakklappast um sína sveit,

og sinnir sínum rótum.

 

Ólst þar upp með kú og kind

og kannast ögn við hesta

Svínaríi og annari synd

hann hafnar, og leitar að því besta

                    "ÓHEILLAKRÁKA"

 

Bóndinn fæddist "fourty eight"

á frekar slökum fótum

Tíkin gamla á túnið skeit

svo njólinn skaut þar rótum

          /

Sómamaður í sinni sveit

í sveitinni skaut hann rótum.

 

Ólst þar upp með kú og kind

og kannast ögn við hesta

það er ekki nokkur mynd

á mikilli örtröð gesta

                     KERLINGIN Á HRAUNINU

 

Uppí´sveit býr bóndi einn

besta skinn atarna

Það er ekki þarna

í kotið vísað

 

Bóndinn fæddist "fourty eight"

á frekar slökum fótum

en spentist upp

og hljóp á tveim jafnfljótum

 

Ólst þar upp með kú og kind

og kannast ögn við hesta

er enn að bagsa við bú

og reynir sitt besta

                      Á TALI

 

Bóndinn fæddist "fourty eight"

á frekar slökum fótum

Hann er einsog gigtveik geit

af gömlum stofni ljótum

                  GRETTIR

 

Uppí´sveit býr bóndi einn

besta skinn atarna

Þessi góði og mæti sveinn

mun ávallt búa þarna

 

Bóndinn fæddist "fourty eight"

á frekar slökum fótum

ein er táin stór og feit

á hægri fæti ljótum

 

Ólst þar upp með kú og kind

og kannast ögn við hesta

hefur aldrei eignast hind

en við vonum það besta

                   "ÁSI Í BÆ"

Göngur 2008.

Hæ vildi bara minna á að göngur og réttir verða 6 september hjá Lilla og Góa. Var næstum búinn að gleyma Góa en mundi það svo ég vona að hann móðgist ekki þá að ég hafi nefnt hann á eftir Lilla en Bless í bili og hafið það sem allra best.

 Kveðja Jói ritstjóri.

Botnakeppni "bakkara"

Heil og sæl öll!

Ég fékk þá "skipun" frá kerlingunni á Hrauninu að setja inn alla fínu botnana sem við gerðum á síðasta móti. Ég ætla að setja þá inn um leið og ég hef haft samband við - og fengið leyfi frá þeim sem samdi fyrripartana. Ég mun þá líklega nota skáldanöfn okkar en ekki rétt nöfn þar sem ég þekki bara skrift þeirra sem senda mér jólakort  

Ég vil þakka Jóa ritstjóra og Jóa ritstjóra fyrir þetta merkilega framlag og vona að sem flestir nýti sér það til að "vera í bandi"

Kveðja

Ása