Mynd vikunnar

 

Á dálítið af myndum tengdum fjölskyldunni og datt í hug að reyna að koma með eina í hverri viku. Og ef þið hafið einhverjar góðar og gamlar þá  endilega senda þær á [e-mail]

M.kv. frá Hvammstanga / GÖJ

22 okt eru bara 286 dagar.

Já það eru bara 286 dagar til næsta hittings á hrauninu , vildi bara minna á það svo fólk geti farið að spá í skemmtiatriði og fleiri uppá komur.  Ég tók mér það leifi að fá tjaldið leigt aftur,  náði fínum samning að mér finst. Að vissu með aðeins meiri vinnu, Þeir ætla að láta mig tjalda því svo núna vantar mér sjálfboða liða til að hjálpa mér.  Því þetta er um klukkutíma verk.  Ef einhver hefur tíma væri gott að fá að vita það fljótlega með kveðju ein af ritstjóronum.  P:S  á efttir að fá samþykki hjá nefndar mönnum svo þetta er allt sett upp með von um að þau samþykki þetta.

Dabbi Kóngur!

 

Frá einum af ritstjórum þessa miðils.

Sælt verið fólkið vildi bara láta vita að ég er búinn að stifta um síma félag er að reyna að bjarga Björgúlfi, því mér skilst að hann sé ein aðal eigandi Nova.  Svo er ég bara svo hrifinn af Nova man eftir Novunni hans Pabba og ferðalögum í henni.  Annars er allt gott að frétta hjá mér núna eru um 500 gæsir og nokkrir svanir verst að ég má ekki skjóta þá.  Vantar byssuleifið, verð bara að fara að reda því svo maður geti sofið á morgnana. En annað er ekki að frétta af mér og mínum bless í billi. AAAAAA jú eitt veit ekki Sigga systir Pabba af þessari síðu.

Hagfræði Örnu Jakobsdóttur

Fékk þetta sent úr óvæntri átt, þ.e.a.s. frá henni Örnu systur minni.

Ef þið hefðuð lagt 100.000 krónur í að kaupa hlutabréf Nortel fyrir einu ári síðan væri verðmæti bréfanna í dag um 4.900 krónur.

Hefði sama fjárfesting verið lögð í Enron væri sú eign í dag um 1.650 krónur.

Hefðuð þið keypt bréf í World Com fyrir 100.000 krónur væri minna en 500 kall eftir.

Hefði peningurinn hins vegar verið notaður til að kaupa Thule-bjór fyrir einu ári síðan þá hefði verið hægt að drekka hann allan og fara síðan með dósirnar í endurvinnslu og hafa um 21.400 krónur upp úr því.

Þegar ofangreint er athugað virðist vera vænlegur kostur fyrir fjárfesta að drekka stíft og endurvinna!

Hér að neðan er svo nýi seðillinn sem verður kynntur eftir helgi (eitt af skilyrðunum fyrir láninu), verður vonandi hægt að fá nokkra kassa af bjór fyri þennan.

 

 

Áframhaldandi uppfærsla á Íslenskum lögum

Alþingi Íslands hefur komið saman og ákveðið að breyta fleiri lögum, og þá fyrst vinsælu lagi með Vilhjálmi Vilhjálssyni sáluga, sem að heitir "Söknuður", en kallað nú eftir uppfærslu "Snauður"

 

Mér finnst ég varla heill né hálfur maður

Og heldur blankur, því er verr

Ef væri aur hjá mér, væri ég glaður

Betur settur en ég er

——

Eitt sinn verða allir menn að borga

Eftir bjartan daginn kemur nótt.

Ég harma það, en samt verð ég að segja,

að lánið fellur allt of fljótt.

——-

Við gátum spreðað, gengið um,

gleymt okkur í búðunum.

Engin svör eru við stjórnarráð

Gengið saman hönd í hönd,

Saman flogið niður á strönd.

Fundið stað, sameinað beggja lán.

—-

Horfið er nú hlutabréf og lánsfé

Í veski mínu hefur eymdin völd

Í dag ræður bara sultarólin

Nú einn ég sit um skuldavönd

—-

Eitt sinn verða allir menn að borga

Eftir bjartan daginn kemur nótt.

Ég harma það, en samt verð ég að segja,

að lánið fellur allt of fljótt.

—-

Ég horfi yfir bankann minn

Hugsi hvort hann hleypi mér inn

Ég alltaf gat treyst á þig

Í að fjármagna mig

Ég reyndar skulda allstaðar

Þá napurt er, það næðir hér

og nístir mig.

Íslenski þjóðsöngurinn (notaður frá 08.10.2008)

 

Ísland var land mitt, ég aldrei því gleymi,
Ísland í gjaldþroti sekkur í sæ,
íslenska krónan hún þynnist og þynnist,
við íslenska hagkerfið segi ég bæ,
Ísland í erfiðum tímum það stendur
Íslenska stjórnin hún failar margfallt
Íslenski seðillinn er löngu brenndur
Ísland er landið sem tók af þér allt

 

 

Guð blessi bankana Ísland

Þetta með Gullkistuna

Það var þetta með gátuna um Gullkistuna, en þar sem engin man eftir henni þá var það Lilli sem átti hana og er eini vörubíllinn sem hefur verið til á Gilsbakka. Myndin er af samskonar Chevrolet bíl og meira segja mjög svipaður og Gullkistan var.

Með kveðju frá Hvammstanga

Gunnar Örn

Kveðja að austan

Hver er að kvarta yfir ritstíflu. Ég hef  bara svo ,,rosalega mikið að gera'' eða  þannig ,en þetta er vinsæl afsökun hér í þorpi þegar eitthvað á að gera t.d. syngja við messur og annað slíkt. En hvað með það ég kann fáa brandara og enn færri gátur en heyrði góðan brandara frá einum 3ja.

Einu sinni var tómatur að fara yfir götu, hann heyrði bíl koma og þá flýtti hann sér að fela sig

Höfum  það gott hér fyrir austan vetur aðeins búinn að minna á sig. Ég er varla búin að ná mér eftir gestagang sumarsins og er enn að rétta fjárhaginn af en vonandi verður þetta komið í gott horf næsta vor. Bílskúrinn að verða fullur af mat og olíu þannig að þið ættuð alveg að geta komið. En ég get alveg sagt það að ég kíkji oft á þessa síðu þó svo ég skrifi ekki og mér finnst alveg frábært að Jóarnir séu svona hugmyndaríkir hér fær maður þó einhverjar fréttir?! Afkomendur JJ og KSR haldið bara áfram að vera svona dugleg að skrifa. Bestu kveðjur frá okkur öllum og Þresti á sjónum

 

 

Hvar eru aðrir Gilsbakkarar en þeir sem eru undan J.J. og K.S.R. ?

Halló ALLIR Gilsbakkarar!

Ætlið þið ekki líka að fara að tjá ykkur meira hér á síðunni? Það væri alla vega gaman að því .....mér finnst þetta stundum vera farið að verða freeeekar "lókal"

Hvet alla Gilsbakkara - unga sem aldna að tjá sig.

Hlakka til að heyra frá ykkur

kveðja 

Ása.... sem nennir ekki að hringja né heimsækja ykkur - en skoða reglulega bloggið ;)